Plantun de Prouvènço

Pèr coumpara dos planto d'encò nostre

Trigonella esculenta & Juniperus thurifera

Jauneto

Trigonella esculenta

Fabaceae Leguminosae

Autre noum : Jauneto(-manjadisso).

Noms en français : Trigonelle comestible, Trigonelle à petites cornes.

Descripcioun :
Aquesto jauneto pòu èstre proun coumuno dins d'ùni relarg de Prouvènço. Es uno planto de l'an que se recounèis à si enflourejado jauno de 8 à 25 flour pourtado pèr un pecou pulèu long. Si dòusso peréu soun eisa de recounèisse, soun torso de 10 à 16 mm.

Usanço :
Li grano soun manjadisso, mai avèn pas d'entresigne sus de biais de la manja au nostre. Escriéure au site se n'en sabès mai.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun

Liò : Champ - Camin - Ermas
Estànci : Termoumediterran à Subremediterran
Couroulougi : Estenomediterrano
Ref. sc. : Trigonella esculenta Willd., 1809

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).